Les mots surlignés font l'objet d'une note
1Monseigneur, je vous ay cy-devant escript comme pour votre respect, jay faict
2depecher loffice que monsieur de Saint-André a désiré, et pour tesmoingnage
3de ce, le porteur de la présente qui en porte les depeches, le vous
4monstrera. Si en aultre chose, javoie plus de moien de memployer pour
5faire service à votre particullier, je le ferè de tout mon povoir. Monsieur,
6Taillades, de venir soupper en ung petit jardin que jay hors les portes de
8Paris, après avoir esté depesché par leurs majestés pour aller en Lorraine
9faire avancer monseigneur et madame de Lorraine, qui ont promis venir pour
10le mariage de Madame. Le roy de Navarre arrivera mardy, aiant couché
11à Palezeau. Sa trouppe est de deux mil chevaulx, comme l’on dict, et sera receu
12à Paris pour lieu de plus grande commodité. A ceste fin, lon desloge
13demain du chasteau du bois de Boullongne pour aller loger audit Paris.
14Les affaires du cousté de Flandres sont tousiours en mesme estat,
15faisant le duc d’Alve dresser son armée à six lieulx de Montz en Heynault,
16à La Chapelle, qui peult estre de cinq mil hommes de pied et deulx à
17trois mil chevaulx. Monseigneur de Longueville est à Amyens, ayant
18pourveu aulx places frontières de son gouvernement, en sorte quil espère
19nen pourra arriver inconvenient. Les monnoies ont esté
20déscriées et les escuz remis à LIII sous, et les pistollets à LII.
21Je vous en envoyray par le courrier de la poste ung edit et rendray
22adverty de noz aultres particullaritez de desa. Le roy et messieurs
23arrivèrent hier de leur voiage de Charleval et Normandie. Me
24recommandant très humblement à votre bonne grâce et de toute votre
25compagnye, je prie à Dieu vous donner
26Monseigneur, en parfaicte santé très longue vie. De Chaillot près
27Paris, ce Ve de jullet 1572.
28Votre très humble et très obéissant
29serviteur
30Hector de Maniquet
31Et monsieur le président Truchon, il y trouvera mes
32très humbles recommandations à sa bone grâce
33